آلودہ ترین شہروں میں لاہور پہلے اور کراچی دوسرے نمبر پر آگیا

دنیا کے آلودہ ترین شہروں میں لاہور پہلے نمبر پر آگیا جبکہ کراچی کا نمبر دوسرا ہے۔

ایئر کوالٹی انڈیکس کے مطابق لاہور آلودہ شہروں کی فہرست میں ایئر کوالٹی انڈیکس 354 ریکارڈ کے ساتھ پہلے نمبر پر آگیا۔

نگراں وزیراعلیٰ پنجاب محسن نقوی نے کہا ہے کہ لاہور میں آج پہلی مصنوعی بارش کی گئی ہے۔

لاہور کا فضائی معیار خطرناک درجہ تک مضر صحت ہے، کراچی آلودہ شہروں کی فہرست میں دوسرے نمبر پر موجود ہے۔

 ایئر کوالٹی انڈیکس کے مطابق کراچی کا فضائی معیار بھی انتہائی مضر صحت، ایئر کوالٹی انڈیکس 267 ریکارڈ کیا گیا ہے۔

دنیا کے آلودہ شہروں میں دہلی تیسرے نمبر پر موجود ہے، جس کا ایئر کوالٹی انڈیکس 193ریکارڈ کیا گیا۔

بشکریہ جنگ