ایئر چیف مارشل ظہیر سدھو سے ترک فضائیہ کے جنرل اسماعیل کی ملاقات

ترک فضائیہ کے کمبیٹ کمانڈر جنرل اسماعیل گنیکیا نے ایئر ہیڈ کوارٹرز کا دورہ کیا اور سربراہ پاک فضائیہ ایئرچیف مارشل ظہیر احمد بابر سدھو سے ملاقات کی۔ 

پاک فضائیہ کے ترجمان کے مطابق اس موقع پر باہمی دلچسپی کے امور، تربیت اور ہوابازی کے شعبے میں تعاون پر تبادلہ خیال کیا گیا۔ 

پاک فضائیہ کے سربراہ نے فضائی مشق انڈس شیلڈ میں ترک فضائیہ کی شرکت کو سراہا۔ 

بعدازاں ترک فضائیہ کے کمانڈر، نیشنل ایرو اسپیس سائنس اینڈ ٹیکنالوجی پارک بھی گئے۔

بشکریہ جنگ