اسرائیلی فوج نے شمالی غزہ کے کمال عدوان اسپتال پر دھاوا بول دیا

غزہ میں اسرائیلی فوج نے کئی روزہ محاصرے کے بعد شمالی غزہ کے کمال عدوان اسپتال پر دھاوا بول دیا، طبی عملے اور مریضوں کو اسپتال میں محصور کر دیا۔

غزہ کے 36 میں سے صرف 11 اسپتال جزوی فعال رہ گئے، ڈاکٹروں کی عالمی تنظیم نے غزہ کے اسپتالوں کی تباہی جنگ عظیم اول جیسی قرار دے دی۔

اسرائیلی فوج کی رہائشی علاقوں پر بمباری مسلسل جاری ہیں، شمالی غزہ میں حماس کا ٹھکانہ کہہ کر اقوام متحدہ کا اسکول دھماکے سے اُڑا دیا۔

اسرائیلی فوج نے 24 گھنٹوں میں مزید 200 فلسطینی شہید کر دیے، جس کے نتیجے میں شہدا کی تعداد ساڑھے 18 ہزار ہوگئی ہے۔

فلسطینی مزاحمتی فورسز نے اسرائیلی فوج سے جھڑپوں میں 11 اسرائیلی فوجیوں کو ہلاک کر دیا، راکٹوں، مارٹر گولوں سے متعدد اسرائیلی ٹینک اور بکتر بند گاڑیاں بھی تباہ کر دیں۔

غزہ میں جنگ بندی کے لیے اقوام متحدہ جنرل اسمبلی کا اجلاس میں ووٹنگ آج ہوگی۔

بشکریہ جنگ