اللّٰہ نے کرم کیا، نواز شریف کو بلآخر انصاف مل گیا، جاوید لطیف

مسلم لیگ (ن) کے سینئر رہنما میاں جاوید لطیف نے کہا ہے کہ اللّٰہ نے کرم کیا کہ نواز شریف کو بلآخر انصاف مل گیا۔

اسلام آباد میں میڈیا سے گفتگو میں ن لیگی رہنما نے کہا کہ نواز شریف کو انصاف ملتے ملتے بہت دیر ہوئی، پھر بھی اللّٰہ نے کرم کیا کہ ن لیگی قائد کو بلآخر انصاف مل گیا۔

مسلم لیگ (ن) کے سینئر رہنما میاں جاوید لطیف نے کہا ہے کہ بلاول بھٹو زرداری کی باتوں کو اُن کے والد آصف زرداری سنجیدہ نہیں لیتے تو ہم کیوں لیں ؟

انہوں نے کہا کہ خوشی کے ساتھ غم بھی ہے کہ پاکستان کا کیا حال کر دیا گیا۔

میاں جاوید لطیف نے مزید کہا کہ یہ نیکی بھی کریں کہ ان کرداروں کو سامنے لایا جائے جو سابقہ فیصلوں کے پیچھے تھے۔

اُن کا یہ بھی کہنا تھا کہ حقائق سامنے لائے جائیں کہ ان فیصلوں کے پیچھے کون سی مقامی اور بین الاقوامی قوتیں تھیں۔

بشکریہ جنگ