سپریم کورٹ میں ذوالفقار علی بھٹو ریفرنس کی کارروائی براہ راست دکھائی جائیگی یا نہیں؟

سپریم کورٹ میں سابق وزیرِ اعظم ذوالفقار علی بھٹو ریفرنس کی براہِ راست نشریات پر سپریم کورٹ کی 3 رکنی کمیٹی پیر کو رپورٹ پیش کرے گی۔

ذرائع کا کہنا ہے کہ جسٹس اطہر من اللّٰہ، جسٹس محمد علی مظہر پر مشتمل کمیٹی سفارشات فل کورٹ کے سامنے رکھے گی۔

اس معاملے سے متعلق ذرائع کا کہنا ہے کہ کمیٹی نے رپورٹ مرتب کر لی ہے کہ نشریات براہِ راست دکھائی جائیں یا سماعت کے بعد ریکارڈنگ جاری کی جائے۔

سپریم کورٹ کی جانب سے پاکستان پیپلز پارٹی کے بانی چیئرمین اور سابق وزیرِ اعظم ذوالفقار علی بھٹو کی پھانسی کو عدالتی قتل قرار دینے کا صدارتی ریفرنس سماعت کے لیے مقرر کرنے کا فیصلہ کر لیا گیا۔

سابق وزیرِ اعظم ذوالفقار علی بھٹو ریفرنس پر سماعت منگل 12 دسمبر کو ہو گی۔

چیف جسٹس قاضی فائز عیسیٰ کی سربراہی میں 9 رکنی لارجر بینچ دن 11 بجے سماعت کرے گا۔

بشکریہ جنگ