شان مسعود کو کراچی کنگز کی کپتانی دیے جانے کا امکان، ذرائع
قومی ٹیسٹ ٹیم کے کپتان شان مسعود کو کراچی کنگز کی کپتانی دیے جانے کا امکان ہے۔
پاکستان سپر لیگ (پی ایس ایل) 9 کے سلسلے میں کراچی کنگز اور ملتان سلطانز کے درمیان کھلاڑیوں کا تبادلہ ہوا جس کے بعد شان مسعود کراچی کنگز کا حصہ بن گئے۔
گزشتہ سیزن میں کراچی کنگز کی کپتانی کرنے والے عماد وسیم ٹریڈ کے بعد اسلام آباد یونائیٹڈ کا حصہ بن گئے ہیں جو اب پی ایس ایل 9 میں اس کی نمائندگی کریں گے۔
کراچی کنگز میں کپتان کی خالی پوزیشن سے متعلق ذرائع کا بتانا ہے کہ اسے شان مسعود کو دیے جانے کا امکان ہے۔
بشکریہ جنگ
Comments are closed.