دوسرا ٹی ٹوئنٹی: جنوبی افریقہ کے خلاف پاکستان کی ٹاس جیت کر بیٹنگ

پاکستان نے جنوبی افریقہ کے خلاف دوسرے ٹی ٹوئنٹی میچ میں ٹاس جیت کر پہلے بیٹنگ کرنے کا فیصلہ کرلیا۔ 

جوہانسبرگ کے وانڈررز کرکٹ گراؤنڈ میں کھیلے جارہے اس میچ میں پاکستان ٹیم میں دو تبدیلیاں کی گئی ہیں۔ 

دوسرے ٹی ٹوئنٹی کےلیے فخر زمان اور حارث رؤف کی جگہ شرجیل خان اور محمد حسنین کو ٹیم میں شامل کیا ہے۔ 

پاکستان ٹیم کپتان بابر اعظم، شرجیل خان، محمد رضوان، حیدر علی، محمد حیفظ، محمد نواز، فہیم اشرف، حسن علی، شاہین آفریدی، محمد حسنین اور عثمان قادر پر مشتمل ہے۔

جنوبی افریقی ٹیم میں کپتان ہینرک کلاسن، جانیمن ملان، آئیڈن مارکرم، وین بلیون، ویہان لوبے، اینڈائل پھیخلوکوائیو، جارج لِنڈا، بیورن ہینڈرکس، لزاد ولیمز، تبریز شمسی اور سسانڈا مگالا شامل ہیں۔

خیال رہے کہ پاکستان نے پہلے ٹی ٹوئنٹی میچ میں جنوبی افریقہ کو سنسنی خیز مقابلے کے بعد 4 وکٹوں سے شکست دی تھی۔ 

واضح رہے کہ دورے کے دوران شاہینوں نے پروٹیاز کو ون ڈے سیریز میں 1-2 سے زیر کیا تھا۔

بشکریہ جنگ