غیر قانونی افغان شہریوں کی بے دخلی، سپریم کورٹ میں درخواست سماعت کیلئے مقرر

سپریم کورٹ آف پاکستان نے غیر قانونی افغان شہریوں کی بے دخلی کے خلاف درخواست سماعت کے لیے مقرر کر دی۔

عدالتِ عظمیٰ کی جانب سے پیپلز پارٹی کے رہنما فرحت اللّٰہ بابر کی درخواست پر بینچ بھی تشکیل دے دیا گیا ہے۔

جسٹس سردار طارق مسعود کی سربراہی میں 3 رکنی بینچ یکم دسمبر کو سماعت کرے گا۔

جسٹس یحییٰ آفریدی اور جسٹس عائشہ ملک بینچ میں شامل ہیں۔

اس ضمن میں رجسٹرار آفس سپریم کورٹ نے درخواست گزار کو نوٹس جاری کر دیا ہے۔

بشکریہ جنگ