ذکا اشرف کی پنڈی کرکٹ اسٹیڈیم میں قومی ٹیسٹ اسکواڈ سے ملاقات

چیئرمین پی سی بی مینجمنٹ کمیٹی ذکا اشرف نے پنڈی کرکٹ اسٹیڈیم میں قومی ٹیسٹ اسکواڈ اور ٹیم مینجمنٹ سے ملاقات کی۔

چیئرمین پاکستان کرکٹ بورڈ مینجمنٹ کمیٹی ذکا اشرف نے پنڈی کرکٹ اسٹیڈیم میں جاری قومی ٹیسٹ اسکواڈ کے کیمپ کا دورہ کیا، ذکا اشرف نے دورہ آسٹریلیا کےلیے قومی کرکٹرز کی تیاریاں دیکھیں۔

اس موقع پر چیف سلیکٹر وہاب ریاض اور ہیڈ کوچ محمد حفیظ بھی موجود تھے، ذکا اشرف نے کھلاڑیوں سے ملاقات کی، ان کے حوصلے بلند کیے۔

چیئرمین مین نے فاسٹ بولر شاہین شاہ آفریدی سے مصافحہ کیا اور ان کی تعریف کی۔ 

پریکٹس کے اختتام پر ذکا اشرف نے قومی ٹیسٹ اسکواڈ اور ٹیم مینجمنٹ سے ڈریسنگ روم میں خصوصی ملاقات کی۔ ٹیسٹ کپتان شان مسعود، بابراعظم، محمد رضوان اور سرفراز احمد سے مصافحہ کیا۔

اس موقع پر محمد حفیظ، فاسٹ بولنگ کوچ عمر گل، اسپن بولنگ کوچ سعید اجمل بھی موجود تھے۔ 

چیئرمین نے دورہ آسٹریلیا کےلیے نیک خواہشات کا اظہار کیا، ذکار اشرف نے نئی ٹیم مینجمنٹ پر بھی مکمل اعتماد کا اظہار کیا۔

بشکریہ جنگ