محمد نسیم بھی ورلڈ سکس ریڈ چیمپئن شپ کے سیمی فائنل میں پہنچ گئے
پاکستان کے احسن رمضان کے بعد محمد نسیم بھی آئی بی ایس ایف سکس ریڈ چیمپئن شپ کے سیمی فائنل میں پہنچ گئے، ٹاپ فور میں جگہ حاصل کرنے کے سبب دونوں کیوسٹس نے برانز میڈلز بھی اپنے نام کرلیے۔
دوحا میں جاری سکس ریڈ چیمپئن شپ کے کوارٹر ایونٹ کے ایک اور کوارٹر فائنل میں پاکستان کے محمد نسیم اور چین کے زیاؤ لیانگ کے درمیان دلچسپ مقابلہ ہوا جس میں نسیم نے آخری فریم میں پانچ چار کے اسکور سے فتح سمیٹی۔
ایونٹ کے دونوں سیمی فائنل آج صبح 10 بجے کھیلے جائیں گے جس میں احسن رمضان کا مقابلہ قطر کے علی ایلوبیدلی سے ہوگا جبکہ محمد نسیم قبرص کے مائیکل جورجیو کے مدمقابل آئیں گے۔
ایونٹ کا فائنل شام کو چار بجے کھیلا جائے گا۔
بشکریہ جنگ
Comments are closed.