پاک افغان سرحد کے قریب انٹیلیجنس بیسڈ آپریشن، 2 دہشت گرد ہلاک

پاک افغان سرحد کے قریب چترال کے علاقے ارسون میں سیکیورٹی فورسز کے انٹیلیجنس بیسڈ آپریشن کے دوران 2 دہشت گردوں کو ہلاک کردیا گیا۔

پاک فوج کے شعبہ تعلقات عامہ آئی ایس پی آر کے مطابق آپریشن 7 اور 8 نومبر کی درمیانی رات کیا گیا، جس کے دوران شدید فائرنگ کا تبادلہ ہوا۔

آئی ایس پی آر کا کہنا ہے کہ آپریشن میں 2 دہشت گرد جہنم واصل کردیے جبکہ 4 شدید زخمی ہوئے۔

آئی ایس پی آر کے مطابق علاقے میں کسی بھی ممکنہ دہشت گرد کے خاتمے کیلئے کلیئرنس آپریشن جاری ہے۔

آئی ایس پی آر کا کہنا ہے کہ علاقے کے لوگوں نے سیکیورٹی فورسز کے آپریشن کو سراہا۔

بشکریہ جنگ