انقرہ میں ترک اور امریکی وزرائے خارجہ کی ملاقات، غزہ تنازع کے عدم پھیلاؤ پر گفتگو

انقرہ میں ترک اور امریکی وزرائے خارجہ کی ملاقات ہوئی، امریکی وزیر خارجہ انٹوںی بلنکن نے ڈھائی گھنٹے طویل ملاقات میں ترک ہم منصب حاقان فیدان سے غزہ تنازع کو علاقے سے باہر نہ پھیلنے اور غزہ میں امداد کی کوششیں بڑھانے پر بات چیت کی۔

دونوں رہنماؤں کی ملاقات کے مقام کے باہر فلسطین کی حمایت میں مظاہرہ ہوا، مشتعل مظاہرین نے قاتل بلنکن، انقرہ سے باہر نکلو کے نعرے لگائے۔

انقرہ میں ترک وزیر خارجہ حاقان فیدان سے ملاقات کے بعد انٹونی بلنکن کا کہنا تھا کہ ترک وزیر خارجہ سے بہت اچھی، طویل اور تعمیری گفتگو ہوئی۔

انکا کہنا تھا کہ مشرق وسطیٰ میں پائیدار امن کےلیے کام کرنے پر تبادلہ خیال ہوا، غزہ سے لوگوں کو نکالنے کے لیے تیزی سے کام کر رہے ہیں۔

آئندہ دنوں میں غزہ کی انسانی امداد میں اضافہ ہوسکتا ہے۔ ترکیہ اور نیٹو کے دوسرے ممالک یرغمالیوں کی رہائی میں اہم کردار ادا کرسکتے ہیں۔

دونوں رہنماؤں کی ملاقات کے مقام کے باہر فلسطین کی حمایت میں مظاہرہ ہوا، مشتعل مظاہرین نے "قاتل بلنکن، انقرہ سے باہر نکلو” کے نعرے لگائے۔

بشکریہ جنگ