شاداب خان کے کن کشن میں بہتری آ رہی ہے: پی سی بی

پاکستان کرکٹ بورڈ کی جانب سے بتایا گیا ہے کہ نائب کپتان شاداب خان کے کن کشن میں بہتری آ رہی ہے۔

پی سی بی کے مطابق گزشتہ روز شاداب خان نے ہلکی ٹریننگ بھی کی، کن کشن کی کچھ علامات کی وجہ سے نیوزی لینڈ کے خلاف میچ میں انہیں موقع نہیں دیا گیا ہے۔

پاکستان کرکٹ ٹیم کے نائب کپتان شاداب خان کا فٹنس ٹیسٹ لیا گیا ہے۔

پاکستان کرکٹ بورڈ کے مطابق امید ہے شاداب خان کولکتہ میں انگلینڈ کے خلاف میچ کے لیے دستیاب ہوں گے۔

واضح رہے کہ جنوبی افریقا کے خلاف میچ میں شاداب خان کن کشن کا شکار ہوئے تھے جس کے بعد انہیں بنگلا دیش کے خلاف میچ میں بھی نہیں کھلایا گیا تھا۔

بشکریہ جنگ