شیخوپورہ: تبلیغی اجتماع میں رائیونڈ جانیوالوں کا ٹرک الٹ گیا

شیخوپورہ میں تبلیغی اجتماع میں رائیونڈ جانے والوں کا ٹرک الٹ گیا۔

ریسکیو ذرائع کے مطابق  ایم ٹو موٹروے ہرن مینار کے قریب تبلیغی جماعت کا ٹرک الٹ گیا۔ 

ذرائع کے مطابق حادثے کے نتیجے میں 19 افراد زخمی ہو گئے ہیں۔

ریسکیو حکام کا کہنا ہے کہ تیز رفتار ٹرک بنوں سے  لاہور آ رہا تھا، بریک فیل ہونے کی وجہ سے الٹ گیا۔ 

واضح رہے کہ رائیونڈ عالمی تبلیغی اجتماع آج سے شروع ہو رہا ہے، پہلا مرحلہ 2 نومبر سے 5 نومبر تک جاری رہے گا۔

پہلے مرحلے میں 5 لاکھ کے قریب افراد شرکت کریں گے۔

رائیونڈ عالمی تبلیغی اجتماع کے لیے بیرون ممالک سے مندوبین کی آمد کا سلسلہ شروع ہو چکا ہے۔

بشکریہ جنگ