دہشتگردی کیخلاف قوم سیکیورٹی فورسز کے شانہ بشانہ کھڑی ہے: راجہ پرویز اشرف

اسپیکر قومی اسمبلی راجہ پرویز اشرف کا کہنا ہے کہ دہشت گردی کے خلاف جنگ میں پوری قوم سیکیورٹی فورسز کے شانہ بشانہ ہے۔

اسپیکر قومی اسمبلی نے بلوچستان میں دہشت گردوں کے خلاف کامیاب آپریشن کرنے پر فوج کو خراج تحسین پیش کیا ہے۔

راجہ پرویز اشرف نے شہید ہونے والے نائب صوبیدار آصف عرفان اور سپاہی عرفان علی کو خراجِ عقیدت پیش کیا ہے۔

انہوں نے شہدا کے اہلِ خانہ سے تعزیت اور ہمدردی کا اظہار بھی کیا۔

انہوں نے کہا کہ دہشت گردی کے خلاف جنگ میں پوری قوم سیکیورٹی فورسز کے شانہ بشانہ کھڑی ہے۔

بشکریہ جنگ