سبز کچھوؤں کے 430 بچوں کو سینڈزپٹ کے ساحل پر چھوڑ دیا گیا

میرین ٹرٹلز کنزرویشن یونٹ کے انچارج اشفاق علی میمن نے کہا ہے کہ سبز کچھوؤں کے 430 بچوں کو سینڈزپٹ کے ساحل پر چھوڑ دیا گیا۔

ایک بیان میں انہوں نے بتایا کہ رواں سال سبز کچھوؤں کے 1370 بچوں کو سمندر میں چھوڑا جا چکا ہے۔

اشفاق علی میمن کا کہنا ہے کہ گزشتہ رات سمندر میں کچھوے کے بچے چھوڑنے کے موقع پر اسکولوں کے بچوں نے شرکت کی۔

انہوں نے بتایا کہ رواں سال اب تک 19 ہزار کے قریب انڈے جمع کیے گئے ہیں، افزائش نسل کے دوران ساحل پر آنے والی 5 مادہ کچھوؤں کو ٹیگ بھی لگائے گئے ہیں۔

ان کا یہ بھی کہنا ہے کہ ٹیگ لگانے کا مقصد کچھوؤں کے انڈے دینے کے گراؤنڈ اور مسکن کے بارے میں تحقیق کرنا ہے۔

بشکریہ جنگ