میئر لندن صادق خان کا غزہ میں جنگ بندی کا مطالبہ

برطانوی دارالحکومت لندن کے میئر صادق خان نے غزہ کے مظلوموں کیلئے آواز اٹھاتے ہوئے جنگ بندی کا مطالبہ کر دیا ہے۔

اپنے بیان میں صادق خان نے کہا کہ لندن میں رہنے والوں کے خاندان کے افراد غزہ میں تشدد، ہلاکتوں کا شکار ہو رہے ہیں، اس لیے انٹرنیشنل کمیونٹی کے ساتھ آواز ملا کر جنگ بندی کا مطالبہ کرتا ہوں۔

صادق خان نے کہا کہ اسرائیل انہیں ہدف بنائے جو 7 اکتوبر کے حملے کے ذمہ دار ہیں، اسرائیل سمیت کسی کو بھی حق نہیں کہ وہ بین الاقوامی قوانین کو توڑے۔

برطانوی میڈیا کی رپورٹس کے مطابق صادق خان کی اپیل کے بعد لیبر پارٹی کے لیڈر سر کیئر اسٹارمر پر جنگ بندی کا مطالبہ کرنے کا دباؤ مزید بڑھ گیا ہے۔

بشکریہ جنگ