الیکشن جنوری میں ہوں گے، نواز شریف وزیرِ اعظم بنیں گے: حنیف عباسی

مسلم لیگ ن کے رہنما حنیف عباسی نے کہا ہے کہ الیکشن جنوری میں ہوں گے، نواز شریف وزیرِ اعظم بنیں گے۔

اسلام آباد کی احتساب عدالت میں میڈیا سے گفتگو کرتے ہوئے حنیف عباسی نے کہا کہ نواز شریف کا لاہور جیسا استقبال ملکی تاریخ میں کسی کا نہیں ہوا۔

انہوں نے کہا کہ نواز شریف نے ملک واپسی پر عوام کو اپنا پیغام دیا ہے، ثابت ہو گیا وہ ہی ملک کی کشتی پار کرا سکتے ہیں۔

حنیف عباسی کا کہنا ہے کہ 9 مئی کے واقعات میں ملوث لوگوں کو سزا دینی چاہیے، بے گناہ لوگوں کو چھوڑ دینا چاہیے، 9 مئی میں ملوث افراد نے پاکستان کو جلانے کی کوشش کی۔

مسلم لیگ ن کے رہنما نے کہا کہ الیکشن پر بات کرنا ہر سیاسی لیڈر کا حق ہے۔

بشکریہ جنگ