آرمی ایکٹ کی بعض شقیں آئین پاکستان سے متصادم ہیں، سلمان اکرم راجا

سینئر قانون دان اور تحریک انصاف کے وکیل سلمان اکرم راجا نے کہا ہے کہ آرمی ایکٹ کی بعض شقیں آئین پاکستان سے متصادم ہیں۔

جیو نیوز سے گفتگو میں سلمان اکرم راجا نے کہا کہ عدالت نے کہا آرمی ایکٹ کی شق 2 ڈی 1 اور 2 ڈی 2 کالعدم ہیں، یہ شقیں آئین پاکستان سے متصادم ہیں۔

سپریم کورٹ آف پاکستان نے فوجی عدالتوں میں سویلین کے ٹرائل کے خلاف کیس کا فیصلہ محفوظ کر لیا، فیصلہ ممکنہ طور پر آج ہی سنایا جائے گا۔

انہوں نے کہا کہ اس شق کے تحت جو مقدمہ آرمی ایکٹ کے تحت چلا وہ کالعدم تصور ہوگا۔

سینئر قانون دان نے مزید کہا کہ جن سویلین کوملٹری کورٹس نے سزا دی ان کے مقدمات دوبارہ کھلنے چاہئیں۔

ان کا کہنا تھا کہ ملٹری کورٹس کی سزا کو ختم ہونا چاہیے، اگر الزام ہے تو عام عدالت میں چلنا چاہیے۔

بشکریہ جنگ