گوجرانوالہ میڈیکل کالج میں 2 غیرملکی طلبہ کو زخمی کردیا گیا

گوجرانوالہ میڈیکل کالج میں زیرِ تعلیم 2 غیرملکی طلبہ کو تیز دھار آلے سے زخمی کر دیا گیا۔

پولیس کا کہنا ہے کہ دونوں طلبہ کو ڈی ایچ کیو اسپتال منتقل کر دیا گیا ہے جبکہ پولیس نے اقدام قتل کی دفعات کے تحت 6 ملزمان کے خلاف مقدمہ درج کر لیا ہے۔

پولیس کے مطابق کچھ اوباش لڑکے غیرملکی طالبعلموں کی ساتھی طالبات سے چھیڑ چھاڑ میں ملوث تھے، منع کرنے پر حملہ کیا گیا۔

پولیس نے بتایا کہ ملزمان کی نشاندہی کرلی گئی ہے جلد گرفتار کیا جائے گا۔

بشکریہ جنگ