کے پی میں آج سے بارشوں کی پیش گوئی

مغربی ہوائیں آج سے ملک کے بالائی علاقوں میں داخل ہوں گی، محکمہ موسمیات نے خیبر پختونخوا میں آج سے اگلے 5 روز تک بارشوں کی پیش گوئی کی ہے۔

محکمہ موسمیات کے مطابق بارشوں سے نشیبی علاقوں میں اربن فلڈنگ کا خدشہ ہے جبکہ بالائی اضلاع میں لینڈ سلائیڈنگ کا خدشہ اور برف باری کا امکان ہے۔

پی ڈی ایم اے نے تمام ضلعی انتظامیہ کو الرٹ رہنےکی ہدایت جاری کردی ہے۔

اس کے علاوہ  15 اور 16 اکتوبر کو راولپنڈی، لاہور، گوجرانوالہ میں اربن فلڈنگ کا خدشہ ہے جبکہ 17 اور 18 اکتوبر کے دوران سندھ اور بلوچستان میں گرج چمک کے ساتھ بارش کی پیش گوئی کی گئی ہے۔

بشکریہ جنگ