پاکستان کا مالی خسارہ ہدف سے 1137 ارب زیادہ ہو جائیگا: آئی ایم ایف

بین الاقوامی مالیاتی فنڈ (آئی ایم ایف) نے فسکل مانیٹر رپورٹ 2023ء جاری کر دی۔

رپورٹ میں اس سال پاکستان کا مالی خسارہ ہدف سے 1137 ارب زیادہ ہونے کا تخمینہ لگایا گیا ہے جو 24-2023ء میں 8 ہزار 42 ارب روپے تک پہنچ جائے گا۔

رپورٹ کے مطابق حکومت نے مالی خسارے کا ہدف 6 ہزار 905 ارب روپے مقرر کر رکھا ہے، خسارہ جی ڈی پی کے 6.5 فیصد کے بجائے 7.6 فیصد رہنے کی پیش گوئی کی گئی ہے۔

رپورٹ کے مطابق قرضوں کی شرح 60 فیصد کے قانونی ہدف کے بجائے 72.2 فیصد رہے گی، اس سال پرائمری سر پلس 0.4 فیصد ہدف کے مطابق 421 ارب رہنے کا امکان ہے۔

رپورٹ کے مطابق مجموعی محاصل 12.5 فیصد اور مجموعی اخراجات جی ڈی پی کا 20.1 فیصد رہیں گے۔

بشکریہ جنگ