شبمن گل کا پاکستان کیخلاف میچ کھیلنے پر اب بھی سوالیہ نشان

بھارت کی کرکٹ ٹیم کے اوپنر بیٹر شبمن گل احمد آباد پہنچ گئے تاہم اب بھی پاکستان کے خلاف میچ میں ان کی شرکت مشکوک ہے۔

بھارتی میڈیا کے مطابق شبمن گل نے ایئر پورٹ پر ماسک پہن رکھا تھا، وہ ڈینگی بخار میں مبتلا ہیں جس کی وجہ سے وہ بھارتی ٹیم کے ساتھ افغانستان کے خلاف میچ کے لیے دلی نہیں گئے تھے۔

بھارتی میڈیا کے مطابق شبمن گل کو پیر والے دن اسپتال میں بھی داخل کیا گیا تھا اور پاکستان کے خلاف میچ میں ان کی شرکت پر اب بھی سوالیہ نشان ہے۔

واضح رہے کہ ورلڈ کپ میں پاکستان اور بھارت کے درمیان میچ 14 اکتوبر کو شیڈول ہے۔

بشکریہ جنگ