امریکی کانگریس میں ووٹنگ کے دوران فائر الارم بجانے پر جمال بومن کیخلاف تحقیقات

امریکی ایوان نمائندگان میں اہم ووٹنگ کے دوران فائر الارم بجانے پر ڈیموکریٹ جمال بومن کیخلاف تحقیقات شروع کر دی گئیں۔

اپوزیشن کا الزام ہے کہ کانگریس رکن نے ووٹنگ میں خلل ڈالنے کیلئے ایسا کیا، تاہم جمال بومن نے فائر الارم بجانے کو ایک غلطی قرار دیا ہے۔

امریکی کانگریس مین جمال بومن نے اپے بیان میں کہا ہے کہ آج جب میں ووٹ ڈالنے جا رہا تھا تو میں ایک دروازے کے سامنے گیا جو عام طور پر ووٹنگ کے لیے استعمال ہوتا ہے، لیکن مجھے نہیں پتہ یہ آج کھلا ہے۔ 

انہوں نے مزید کہا کہ میں یہ تسلیم کرتے ہوئے شرمندہ ہوں کہ میں نے فائر الارم کو متحرک کیا، یہ سوچ کر دروازہ کھل جائے گا۔ مجھے اس پر افسوس ہے اور اس کی وجہ سے ہونے والی کسی بھی الجھن کے لیے معذرت خواہ ہوں۔ 

یاد رہے کہ امریکا میں حکومتی شٹ ڈاؤن سے بچنے کے لیے بلآخر ایک ڈیل پر اتفاق ہوگیا ہے۔

بشکریہ جنگ