پی سی بی نے پلیئر ویلفیئر اسکیم کے بجٹ میں 10 فیصد اضافہ کردیا

پاکستان کرکٹ بورڈ (پی سی بی) نے سابق کرکٹرز کیلئے پلیئرز ویلفیئر اسکیم کے بجٹ میں 10 فیصد اضافے کی منظوری دے دی۔

پاکستان کرکٹ بورڈ کی منیجمنٹ کمیٹی کا تیسرا اجلاس چیئرمین ذکاء اشرف کی زیر صدارت نیشنل کرکٹ اکیڈمی لاہور میں منعقد ہوا۔ کمیٹی کے 10 میں سے ایک رکن مصطفیٰ رمدے نے آن لائن اجلاس میں شرکت کی۔

اجلاس میں ارکان کو مینز کرکٹرز کو دیے جانے والے سینٹرل کنٹریکٹس کے بارے میں بھی تفصیل سے بتایا گیا۔

کمیٹی نے اس پر اطمینان کا اظہار کرتے ہوئے ذکاء اشرف کی کوششوں کو سراہا جن کی ذاتی دلچسپی کی وجہ سے بورڈ اور کھلاڑیوں کے درمیان معاملات خوش اسلوبی سے طے پائے۔

کمیٹی کے اجلاس میں ایشیاء کپ سمیت متعدد امور پر تبادلہ خیال کیا گیا، منیجمنٹ کمیٹی نے نیشنل کرکٹ اکیڈمی کو اپ گریڈ کرنے کی منظوری دی، جبکہ اجلاس میں ایشیاء کپ کے ہائبرڈ ماڈل پر بحث کی گئی۔

بشکریہ جنگ