ملکی زرمبادلہ ذخائر میں 10 کروڑ 70 لاکھ ڈالر کا اضافہ

ملکی زرمبادلہ ذخائر 15 ستمبر کو ختم ہوئے ہفتے میں 10 کروڑ 70 لاکھ ڈالر بڑھے ہیں۔

اسٹیٹ بینک آف پاکستان (ایس بی پی) کے مطابق 15 ستمبر تک ملکی زرمبادلہ ذخائر 10 کروڑ 70 لاکھ ڈالر اضافے سے 13 ارب 18 کروڑ ڈالر رہے۔

 مرکزی بینک کے ذخائر پانچ کروڑ 64 لاکھ ڈالر اضافے سے 7 ارب 69 کروڑ ڈالر رہے۔

کمرشل بینکوں کا زرمبادلہ ذخیرہ 5 کروڑ 11 لاکھ ڈالر اضافے سے 5 ارب 49 کروڑ ڈالر رہا۔

بشکریہ جنگ