گلزار ہجری میں رینجرز کا غیر قانونی ہائیڈرنٹس کیخلاف آپریشن، 2 ملزمان گرفتار

پاکستان رینجرز سندھ کا غیرقانونی ہائیڈرنٹس کے خلاف آپریشن جاری ہے۔ 

کراچی کے علاقے گلزار ہجری مہران روڈ اسیکم 33 میں ہفتے کی رات 3 غیر قانونی ہائیڈرنٹس کے خلاف آپریشن کیا گیا۔ 

آپریشن کے دوران ایک واٹر ٹینکر، واٹر موٹر، پائپ، جنریٹر، لیپ ٹاپ، پرنٹر اور 2 ہزار لیٹر ایرانی ڈیزل بھی تحویل میں لے لیا گیا۔ 

دوران آپریشن 2 ملزمان محمد حنیف اور عبدالرشید کو حراست میں لے لیاگیا۔ 

ترجمان رینجرز کے مطابق غیر قانونی ہائیڈرنٹس کے مکمل خاتمے تک آپریشن جاری رکھا جائے گا۔

بشکریہ جنگ