شاہنواز دھانی اور زمان خان کل کولمبو پہنچیں گے، ذرائع

پاکستان کرکٹ ٹیم کے فاسٹ بولر شاہنواز دھانی اور زمان خان کل کولمبو پہنچیں گے۔

ذرائع کے مطابق فاسٹ بولر حارث رؤف اور نسیم شاہ اگر مکمل فٹ نہ ہوئے تو متبادل کے طور پر شاہنواز دھانی اور زمان خان کو ٹیم میں شامل کیا جائے گا۔

دونوں کھلاڑیوں کو متبادل کے طور پر شامل کرنے کی درخواست پی سی بی آج اے سی سی کی ٹیکنیکل کمیٹی کو بھجوائے گا۔

دوسری جانب پاکستان کرکٹ بورڈ کا میڈیکل پینل نسیم شاہ اور حارث رؤف کی انجری کا معائنہ کر رہا ہے۔

ایشیا کپ کے سُپر فور مرحلے میں سری لنکا کے خلاف میچ میں سلمان علی آغا کی شرکت مشکوک ہوگئی۔

میڈیکل پینل کو نسیم شاہ کی ایم آر آئی رپورٹ آنے کا انتظار ہے جس سے انجری کا درست اندازہ ہوسکے گا۔

علاوہ ازیں حارث رؤف کی پسلیوں میں تکلیف ہے جس کی وجہ سے انہیں آرام کی ضرورت ہے۔

بشکریہ جنگ