بلوچستان میں منشیات فروشوں کے خلاف کارروائی کا خیرمقدم

پاک فوج اور قانون نافذ کرنے والے اداروں کے تعاون سے اسمگلروں پر کریک ڈاؤن جاری ہے۔

قلعہ عبداللّٰہ میں منشیات فروشوں کے خلاف ایف سی بلوچستان نارتھ اور دیگر اداروں نے مشترکہ آپریشن کیا ہے۔

آپریشن کے دوران 70 ایکڑ پر منشیات کی فصلیں تلف، منشیات پروسیسنگ کی 28 مشینیں تباہ کی گئیں۔

آپریشن میں 42 اہداف پر کارروائی، 6 ٹن ایفیڈرین تلف، 48 منشیات کے کمپاؤنڈز کو گِرا دیا گیا۔ کریک ڈاؤن میں 11 افراد کو حراست میں لیا گیا ہے۔

منشیات کے اڈے کی حفاظت پر 400 سے 500 مسلح غیرقانونی افغان افراد بھی مامور تھے۔

مقامی لوگوں نے قلعہ عبداللّٰہ اور گلستان میں منشیات فروشوں کے خلاف کارروائی کا خیرمقدم کیا ہے۔

قبائلی رہنما ناصر خان کاکڑ کا کہنا ہے کہ دیرینہ خواہش تھی کہ منشیات فروشوں کے خلاف کارروائی کی جائے۔

بشکریہ جنگ