اسلام آباد ہائیکورٹ: پرویز الہٰی کی گرفتاری پر توہین عدالت کی درخواست سماعت کیلئے مقرر
سابق وزیر اعلیٰ پنجاب چوہدری پرویز الہٰی کی گرفتاری پر توہین عدالت کی درخواست اسلام آباد ہائیکورٹ میں جمع کروا دی گئی۔
انسپکٹر جنرل (آئی جی) کے خلاف توہین عدالت کی درخواست سماعت کیلئے مقرر کردی گئی۔
اسلام آباد ہائیکورٹ کے جسٹس طارق محمود جہانگیری سماعت کریں گے۔
توہین عدالت درخواست میں ڈپٹی کمشنر اسلام آباد اور دیگر کو بھی فریق بنایا گیا ہے۔
دوسری جانب اس سے قبل اسلام آباد ہائیکورٹ نے سابق وزیر اعلیٰ پنجاب چوہدری پرویز الہٰی کی تھری ایم پی او کے تحت نظر بندی معطل کر کے انہیں فوری رہا کرنے کا حکم دیا۔
چوہدری پرویز الہٰی کی ایم پی او آرڈر کالعدم قرار دینے کی درخواست پر اسلام آباد ہائیکورٹ میں سماعت ہوئی۔
اسلام آباد ہائیکورٹ کے جسٹس طارق محمود جہانگیری نے کیس کی سماعت کی۔
بشکریہ جنگ
Comments are closed.