پیر 24؍صفر المظفر 1445ھ11؍ستمبر 2023ء

سندھ بلڈنگ کنٹرول اتھارٹی میں ون ونڈو کا قیام، نوٹیفکیشن جاری

سندھ بلڈنگ کنٹرول اتھارٹی میں ون ونڈو کا قیام عمل میں لایا گیا ہے اور ڈائریکٹر سنگل ونڈو مقرر کرنے کے احکامات جاری کر دیے گئے ہیں۔

ڈائریکٹر جنرل سندھ بلڈنگ کنٹرول اتھارٹی یاسین شر بلوچ کے جاری کردہ نوٹیفکیشن کے مطابق ون ونڈو سہولت کے تحت تمام رہائشی پلاٹس کے بلڈنگ پلانز کی منظوری دی جائے گی۔

ان کا کہنا ہے کہ ون ونڈو سہولت پر ہی رہائشی پلاٹس پر تعمیرات کی جانچ پڑتال اور منظوری ہو گی۔

ڈی جی ایس بی سی اے کے مطابق نگراں وزیرِ بلدیات کی ہدایات پر کراچی میں غیر قانونی تعمیر ہونے والی عمارتوں کا سروے کرنے کا فیصلہ کیا گیا ہے۔

انہوں نے یہ بھی بتایا ہے کہ سروے کر کے رپورٹ نگراں وزیرِ بلدیات کو پیش کی جائے گی۔

بشکریہ جنگ
You might also like

Comments are closed.