مونس الہٰی کا پولیس پر عدالتی احکامات کی خلاف ورزی کا الزام

سابق وزیر اعلیٰ پنجاب اور پی ٹی آئی رہنما چوہدری پرویز الہٰی کی گرفتاری پر ان کے بیٹے کا رد عمل سامنے آگیا۔

اپنے بیان میں مونس الہٰی نے پولیس پر عدالتی احکامات کی خلاف ورزی کا الزام لگا دیا۔

مونس الہٰی نے کہا کہ پولیس عدالتی حکم کے بعد ان کے والد کو گھر لے جارہی تھی، گلی میں داخل ہوتے ہی پرویز الہٰی کو اغوا کر لیا گیا۔

واضح رہے کہ سابق وزیر اعلیٰ پنجاب چوہدری پرویز الہٰی کو پولیس نے پھر گرفتار کرلیا۔

اسلام آباد پولیس نے چوہدری پرویز الہٰی کو لاہور سے گرفتار کیا۔ ذرائع کا کہنا ہے کہ سابق وزیر اعلیٰ پنجاب کو اسلام آباد پولیس نے تھری ایم پی او کے تحت گرفتار کیا ہے۔

بشکریہ جنگ