بھارتی بورڈ کے 2 عہدیدار 4 ستمبر کو پاکستان پہنچیں گے

بھارتی کرکٹ بورڈ (بی سی سی آئی) کے 2 عہدیدار 4 ستمبر کو پاکستان پہنچیں گے۔

بھارتی کرکٹ بورڈ کے عہدیداران پاکستان کرکٹ بورڈ (پی سی بی) کی دعوت پر پاکستان آ رہے ہیں۔

ذرائع کے مطابق دونوں عہدیدار سری لنکا میں پاک بھارت میچ دیکھنے کے بعد پاکستان کا رخ کریں گے۔

ذرائع کے مطابق بی سی سی آئی کے صدر راجر بنی اور نائب صدر راجیو شکلا 4 سے 6 ستمبر تک لاہور میں ہوں گے، دونوں کو گورنر ہاؤس میں عشائیہ بھی دیا جائے گا۔

دورے  کے دوران پی سی بی اور بی سی سی آئی کے عہدیداروں کے درمیان ملاقات بھی شیڈول ہے، دونوں بھارتی عہدیدار لاہور میں ایشیا کپ کے میچز بھی دیکھیں گے۔

ذرائع کے مطابق راجر بنی اور راجیو شکلا 7 ستمبر کو پاکستان سے روانہ ہوجائیں گے۔

بشکریہ جنگ