سپریم کورٹ نے آمدن سے زائد اثاثہ جات کیس میں سابق وزیرِ داخلہ رانا ثناء اللّٰہ کی ضمانت منسوخی کی نیب درخواست نمٹا دی۔
چیف جسٹس عمر عطا بندیال اور جسٹس اطہر من اللّٰہ پر مشتمل بینچ نے سماعت کی۔
نیب پراسیکیوٹر نے عدالت کو بتایا کہ لاہور ہائی کورٹ رانا ثناء اللّٰہ کے خلاف انکوائری کالعدم قرار دے چکی ہے۔
سپریم کورٹ نے نیب کی درخواست غیرمؤثر ہونے پر نمٹا دی۔
نیب نے رانا ثناء اللّٰہ کے خلاف آمدن سے زائد اثاثہ جات کیس میں ضمانت منسوخی کے لیے سپریم کورٹ سے رجوع کیا تھا۔
Comments are closed.