ملک میں سونے کی فی تولہ قیمت 300 روپے بڑھ گئی

سونے کی فی تولہ قیمت میں لگاتار چوتھے دن بھی اضافہ ہوگیا، فی تولہ قیمت 300 روپے بڑھ گئی۔

14 اگست 2023ء کی چھٹی کے بعد سے سونے کی فی تولہ قیمت میں مسلسل اضافہ دیکھنے میں آیا ہے۔

1200 روپے اضافے کے بعد ملک میں فی تولہ سونے کا بھاؤ 2 لاکھ 25 ہزار روپے ہے۔

سونے کی فی تولہ قیمت میں 15 اگست کو 1100، 16 اگست کو 900، اور 17 اگست کو 1200 روپے کا اضافہ دیکھنے میں آیا۔

آل پاکستان جیمز اینڈ جیولرز ایسوسی ایشن کے مطابق آج 18 اگست کو سونے کی فی تولہ قیمت 300 روپے کے اضافے کے بعد 2 لاکھ 25 ہزار 300 روپے ہوگئی ہے۔

ایسوسی ایشن کے مطابق 10 گرام سونے کی قیمت257 روپے بڑھ کر 1لاکھ 93ہزار 158 روپے ہوگئی ہے۔

عالمی بازار میں سونے کا بھاو 6 ڈالر کم ہوکر 1894 ڈالر فی اونس ہے۔

بشکریہ جنگ