بھارتی ریاست بہار میں گھر کے دروازے پر فائرنگ سے صحافی ہلاک

بھارت کی ریاست بہار میں علی الصبح صحافی کو فائرنگ کر کے ہلاک کردیا گیا۔

بھارتی میڈیا کے مطابق 35 سالہ وِمل کمال یادیو کو صبح ساڑھے 5 بجے دروازہ کھٹکھٹا کر اور آواز دے کے بلایا گیا جس کے بعد گھر کا دروازہ کھولنے پر نامعلوم شخص نے اس پر فائرنگ کردی۔

بھارتی پولیس کے مطابق مقتول مقامی اخبار میں کام کرتا تھا جبکہ ملزم فائرنگ کر کے فرار ہوگیا جس کی تلاش کی جارہی ہے۔

پولیس کے مطابق ابتدائی تحقیقات سے شبہ ظاہر ہوا ہے کہ فائرنگ کا واقعہ پڑوسیوں سے پرانے اختلافات کی وجہ سے پیش آیا۔

بشکریہ جنگ