شہباز شریف نے وزیراعظم ہاؤس خالی کردیا

انوارا لحق کی بطور نگراں وزیراعظم کی تقرری کی بعد شہباز شریف نے وزیراعظم ہاؤس خالی کردیا۔

سابق وزیراعظم شہباز شریف وزیراعظم ہاؤس سے اپنا ذاتی سامان لے گئے۔

انوار الحق کاکڑ بلوچستان سے 2018 میں سینیٹر منتخب ہوئے اور ان کا تعلق بلوچستان عوامی پارٹی سے ہے۔

شہباز شریف نے جانے سے پہلے وزیراعظم ہاؤس کے عملے سے الوداعی ملاقات کی۔

ذرائع کا کہنا ہے کہ شہباز شریف کو کل وزیراعظم ہاؤس میں گارڈ آف آنر دیا جائے گا۔

اس سے قبل صدر مملکت نے انوار الحق کی بطور نگراں وزیراعظم تقرری کی سمری پر دستخط کیے۔

وزیراعظم شہباز شریف اور قائد حزب اختلاف راجا ریاض نے مشترکہ طور پر دستخط کر کے ایڈوائس صدر کو بھجوائی تھی۔

اس حوالے سے قائد حزب اختلاف راجا ریاض کا کہنا تھا کہ ہم متفق ہیں کہ جو بھی نگراں وزیراعظم ہو وہ چھوٹے صوبے سے ہو، ہم نے اتفاق کیا ہے کہ انوار الحق کاکڑ نگراں وزیراعظم ہوں گے۔

بشکریہ جنگ