یوکرین کے صدر نے فوجی بھرتی مراکز کے تمام سربراہان کو برطرف کردیا
یوکرین کے صدر ولودومیر زیلنسکی نے ملک کے تمام فوجی علاقائی بھرتی مراکز کے سربراہان کو برطرف کردیا۔
صدر زیلنسکی نے کہا کہ چند بھرتی مراکز کے جائزے میں پیشہ ورانہ بددیانتی کے انکشافات ہوئے ہیں۔
ان کا کہنا تھا کہ فوج میں بھرتی کیلئے اہل افراد کو سرحد پار کروانے کا معاملہ سامنے آیا ہے، جنگ کی وجہ سے فوج میں سروس کیلئے اہل افراد کے باہر جانے پر پابندی ہے۔
صدر زیلنسکی نے کہا کہ یہ نظام ان لوگوں کے ہاتھ میں ہونا چاہیے جنہیں معلوم ہو کہ جنگ کیا ہوتی ہے اور دورانِ جنگ رشوت لینا غداری کیوں ہے۔
ان کا کہنا تھا کہ اب فوج میں بھرتی کیلئے امیدواروں کی جانچ اندرونی سیکیورٹی سروس ‘ایس بی یو’ کرے گی۔
انہوں نے مزید کہا کہ بھرتی مراکز کے سربراہان کو فارغ کرنے کے فیصلے پر جنرل ویلری زالوزنی عمل درآمد کروائیں گے۔
بشکریہ جنگ
Comments are closed.