13اگست کو سندھ حکومت کی مدت ختم ہوگی، وزیراعلیٰ مراد علی شاہ

وزیراعلیٰ سندھ مراد علی شاہ نے کہا ہے کہ 13 اگست کو صوبائی حکومت کی مدت ختم ہو جائے گی۔

حیدرآباد میں میڈیا سے گفتگو کرتے ہوئے مراد علی شاہ نے کہا کہ نگراں وزیراعلیٰ کے لیے مشاورت کریں گے۔

مراد علی شاہ نے آئی جی سندھ غلام نبی میمن کے ہمراہ حیدرآباد میں یوم عاشورہ کے مرکزی جلوس کا دورہ کیا اور سیکیورٹی انتظامات کا جائزہ لیا۔

اس موقع پر مراد علی شاہ نے کہا کہ جلوس کا معائنہ کرنے آیا ہوں، سیکیورٹی اور دیگر انتظامات کا جائزہ لیا ہے۔

مراد علی شاہ کا کہنا تھا کہ پچھلے دنوں ہونے والی بارشوں کے باوجود انتظامات مکمل ہیں۔ آئی جی سندھ میرے ساتھ ہیں اور پورے سندھ پر نظر ہے۔

وزیراعلیٰ سندھ نے کہا کہ وفاقی وزیر خرم دستگیر کو حیسکو، سیپکو اور کے الیکٹرک کی شکایت دی ہیں۔

بشکریہ جنگ