دو خواتین کی بازیابی کیلئے سندھ ہائیکورٹ میں دائر درخواست کی سماعت کے دوران عدالت نے ماں بیٹی کے اغواء کا مقدمہ درج کروانے کی ہدایت کردی۔
عدالت نے ماں بیٹی کے اغواء کا مقدمہ درج کروانے کی ہدایت کرتے ہوئے کہا کہ ماں بیٹی 8 جولائی سے لا پتا ہیں تو اس کا مقدمہ درج کروایا جائے اور مقدمہ درج کروانے کے بعد عدالت سے رجوع کیا جائے۔
درخواست گزار نے مؤقف اپنایا کہ عبدالرحمان، عرفان بجیر اور دیگر کے خلاف کراچی کی عوامی کالونی کے تھانے میں ماں بیٹی سے زیادتی کا مقدمہ درج کروایا تھا.
درخواستگزار کا کہنا تھا کہ ملزمان مقدمہ واپس لینے کےلیے ہراساں کر رہے تھے۔ 8 جولائی کو لیڈی تفتیشی افسر نے ماں بیٹی کو میڈیکو لیگل کےلیے بلوایا جس کے بعد صائمہ اور اس کی بیٹی جنت واپس نہیں آئیں۔
درخواست گزار نے کہا کہ عدالت سے استدعا ہے کہ ماں بیٹی کو بازیاب کروانے کا حکم دیا جائے۔
Comments are closed.