ثانیہ مرزا بیٹے اذہان مرزا ملک کی شاگرد بن گئیں

قومی کرکٹ ٹیم کے سابق کپتان شعیب ملک کی اہلیہ اور بھارتی سابق ٹینس اسٹار ثانیہ مرزا اپنے بیٹے اذہان مرزا ملک کی شاگرد بن گئیں۔

فوٹو اینڈ ویڈیو شیئرنگ پلیٹ فارم انسٹاگرام پر ٹینس اسٹار ثانیہ مرزا نے اپنے بیٹے اذہان مرزا ملک کے ہمراہ چند تصاویر شیئر کیں۔

ان تصاویر نے جلد ہی 80 ہزار سے زائد سوشل میڈیا صارفین کی توجہ اپنی جانب مبذول کروالی، جس میں ثانیہ مرزا کو اپنے بیٹے اذہان مرزا ملک کے ہمراہ خوش و خرم دیکھا جاسکتا ہے۔

ان تصاویر کے کیپشن میں ثانیہ مرزا نے اپنے بیٹے سے محبت کا اظہار کرتے ہوئے لکھا کہ ’تم اور میں ہمیشہ کے لئے بےبی بوائے‘۔

اس کے ساتھ ہی انہوں نے مذکورہ تصاویر میں سے ایک کی جانب اشارہ کرتے ہوئے بتایا کہ ان کا بیٹا انہیں معروف فرانسیسی فٹ بالر ’ایمباپے‘ کا جشن منانے کا اسٹائل سیکھا رہا ہے۔

بشکریہ جنگ