سائفر تحقیقات، چیئرمین پی ٹی آئی کو ایف آئی اے کا طلبی کا نوٹس وصول

سائفر کی تحقیقات کے معاملے پر وفاقی تحقیقاتی ادارے ایف آئی اے نے چیئرمین پی ٹی آئی کو طلبی کا نوٹس وصول کرا دیا۔

ایف آئی اے کے اہلکار نے چیئرمین پی ٹی آئی کی لاہور میں واقع رہائش گاہ زمان پارک میں نوٹس وصول کرایا ۔

ایف آئی اے نےچیئرمین پی ٹی آئی کو 25 جولائی کو طلب کیا ہے۔

سابق وزیرِ اعظم، چیئرمین پی ٹی آئی کے پرنسپل سیکریٹری اعظم خان نے 164 کے تحت مجسٹریٹ کے سامنے ریکارڈ کرائے گئے بیان میں سائفر کو ایک سوچی سمجھی سازش قرار دیا ہے۔

واضح رہے کہ گزشتہ روز سابق وزیرِ اعظم و چیئرمین پی ٹی آئی کے پرنسپل سیکریٹری اعظم خان نے سائفر سے متعلق اپنا بیان 164 کے تحت مجسٹریٹ کے سامنے چیئرمین پی ٹی آئی کے خلاف بیان ریکارڈ کرایا تھا۔

اعظم خان نے اپنے بیان میں سائفر کو ایک سوچی سمجھی سازش قرار دیا اور کہا کہ سیاسی مقاصد کے لیے سائفر کا ڈرامہ رچایا گیا۔

بیان میں اعظم خان نے کہا کہ چیئرمین پی ٹی آئی نے تمام تر حقائق کو چھپا کر سائفر کا جھوٹا اور بے بنیاد بیانیہ بنایا، تحریکِ عدم اعتماد سے بچنے کے لیے سائفر کو بیرونی سازش کا رنگ دیا گیا۔

بشکریہ جنگ