بجلی کے بل میں 50 روپے ٹی وی اور ریڈیو فیس عائد ہوگی، وزارت خزانہ حکام

وزارتِ خزانہ کے حکام نے کہا ہے کہ بجلی کے بلوں میں ٹی وی فیس کے ساتھ ریڈیو فیس بھی شامل ہوگی۔

سینیٹر سلیم مانڈوی والا کی زیرِ صدارت سینیٹ کی قائمہ کمیٹی برائے خزانہ کے اجلاس میں وزارتِ خزانہ کے حکام نے کہا کہ بجلی کے بلوں میں 35 روپے پی ٹی وی اور 15 روپے ریڈیو فیس عائد ہوگی۔

حکام کا کہنا تھا کہ سینیٹ کمیٹی نے یہ سفارش کی تھی جس پر کام کیا گیا ہے۔

وزارتِ خزانہ کے حکام نے مزید کہا کہ اداروں کی نجکاری کا معاملہ پالیسی سے متعلق ہے، نقصان میں جانے والے اداروں کی نجکاری کی سفارش تھی۔

حکام نے بتایا کہ وزارتِ خزانہ کو خزانہ کمیٹی کی 55 سفارشات موصول ہوئی تھیں۔

بشکریہ جنگ