فرینڈلی میچ کیلئے پاکستان ویمن ٹیم کا سنگاپور پہنچتے ہی ٹریننگ سیشن

پاکستان ویمن فٹبال ٹیم نے سنگاپور پہنچتے ہی پہلے ٹریننگ سیشن میں حصہ لیا۔ قومی ٹیم کل انٹرنیشنل دوستانہ میچ میں سنگاپور کے مدمقابل آئے گی۔

پاکستان ویمن فٹبال ٹیم انٹرنیشنل فرینڈلی میچ کھیلنے سنگاپور پہنچ گئی، کچھ دیر آرام کرنے کے بعد قومی فٹبالرز ٹریننگ کےلیے گراؤنڈ پہنچی اور  پہلے ٹریننگ سیشن میں حصہ لیا۔

این او سی اور ویزا کے اجرا میں تاخیر کی وجہ سے پاکستان ویمن ٹیم بروقت سنگاپور نہیں پہنچ سکی تھی۔

انٹرنیشنل فرینڈلی میچ میں پاکستان اور سنگاپور کی ٹیمیں منگل کو آمنے سامنے ہوں گی۔

بشکریہ جنگ