وائٹ ہاؤس سے کوکین ملنے کی تحقیقات ختم کردی گئیں

امریکا کے صدر کی سرکاری رہائش گاہ و دفتر وائٹ ہاؤس سے کوکین ملنے کی تحقیقات ختم کردی گئیں۔

امریکی خفیہ ادارے سیکرٹ سروس کا کہنا ہے کہ فنگر پرنٹ، ڈی این اے اور ویڈیو فوٹیج کے جائزوں کے باوجود وائٹ ہاؤس میں کوکین چھوڑنے والے شخص کی نشاندہی نہیں ہوسکی ہے۔

اس سے قبل رواں ماہ وائٹ ہاؤس کی ترجمان کیرین جین پیئر نے میڈیا سے گفتگو کرتے ہوئے کہا تھا کہ ہم ہر ایکشن لیں گے جو کہ مناسب اور قابل ضمانت ہو، سیکرٹ سروس اس معاملے کی تحقیقات کر رہی ہے۔

واضح رہے کہ رواں ماہ کے آغاز میں وائٹ ہاؤس کے ایگزیکٹیو ایونیو کے داخلی ہال سے کوکین برآمد کی گئی تھی۔

امریکا کے صدر کی سرکاری رہائش گاہ اور دفتر وائٹ ہاؤس سے کوکین برآمد ہونے کی تحقیقات جاری ہیں۔

داخلی ہال سے ایک چھوٹا پلاسٹک بیگ برآمد کیا گیا تھا جہاں عوام آ سکتی ہے۔

وائٹ ہاؤس کے اندر جانے سے پہلے یہاں موبائل فونز اور دیگر ذاتی ڈیوائسز رکھوائی جاتی ہیں۔

بشکریہ جنگ