برطانیہ کے شاہی محل بکنگھم پیلس کے گیٹ سےخود کو باندھنے والے شخص کو اسپتال منتقل کر دیا گیا ہے۔
لندن سے برطانوی میڈیا کے مطابق بکنگھم پیلس کے گیٹ سے کل ایک شخص نے ہتھکڑی سے خود کو باندھ لیا تھا۔
اس حوالے سے برطانوی میڈیا کا کہنا ہے کہ پولیس کے پہنچنے پر 30 سالہ شخص نے خود کو نقصان پہنچانے کی دھمکی دی۔ پولیس نے ایک گھنٹہ مذاکرات کے بعد مذکورہ شخص کو سرنڈر کرنے پر آمادہ کر لیا۔
برطانوی میڈیا کے مطابق مذکورہ شخص کو خود اپنے عمل سے معمولی چوٹیں لگنے پر اسپتال لے جایا گیا۔
برطانوی میڈیا کا کہنا ہے کہ مذکورہ شخص کی شناخت یا اس کے اقدام کی وجوہات تاحال ظاہر نہیں کی گئیں۔
برطانوی میڈیا کے مطابق بکنگھم پیلس میں تزئین و آرائش کے باعث شاہی خاندان کا کوئی فرد وہاں موجود نہیں تھا۔
Comments are closed.