توشہ خانہ کیس: چیئرمین پی ٹی آئی کی حاضری سے استثنیٰ کی درخواست منظور

اسلام آباد کے ایڈیشنل سیشن جج کی عدالت نے توشہ خانہ کیس کی سماعت کرتے ہوئے چیئرمین پی ٹی آئی کی حاضری سے استثنیٰ کی درخواست منظور کر لی۔

چیئرمین پی ٹی آئی کے وکیل گوہر علی خان اور الیکشن کمیشن کے وکیل امجد پرویز عدالت میں پیش ہوئے۔

چیئرمین پی ٹی آئی کے وکیل گوہر علی خان نے بتایا کہ چیئرمین پی ٹی آئی کے سینئر وکیل خواجہ حارث ہیں۔

چیئرمین پی ٹی آئی کی جانب سے توشہ خانہ کیس ٹرائل کورٹ بھیجنے کا فیصلہ سپریم کورٹ آف پاکستان میں چیلنج کر دیا گیا ہے۔

انہوں نے استدعا کی کہ سماعت 10 جولائی تک ملتوی کی جائے۔

الیکشن کمیشن کے وکیل امجد پرویز نے دلائل دیتے ہوئے کہا کہ چیئرمین پی ٹی آئی کے وکلاء کی جانب سے تاخیری حربے استعمال کیے جا رہے ہیں، چیئرمین پی ٹی آئی کے وکلاء کی نیت ہی دلائل دینے کی نہیں ہے، خواجہ حارث کی کوئی عدالتی مصروفیات نہیں۔

سیشن عدالت نے آج چیئرمین پی ٹی آئی کی حاضری سے استثنی کی درخواست منظور کر لی جبکہ خواجہ حارث کو کل عدالت میں پیش ہونے کی ہدایات کرتے ہوئے سماعت کل تک ملتوی کر دی۔

بشکریہ جنگ