اسلام آباد پولیس کو مطلوب ملزم دبئی سے واپس پہنچتے ہی کراچی ایئرپورٹ پر گرفتار

اسلام آباد کی گولڑہ شریف پولیس کو مقدمے میں مطلوب ملزم کو وفاقی تحقیقاتی ادارے (ایف آئی اے) کے امیگریشن کے عملے نے دبئی سے کراچی پہنچتے ہی ایئرپورٹ پر گرفتار کر لیا۔

ایف آئی اے حکام کے مطابق ملزم امجد حسین غیر ملکی ایئرلائن کی فلائٹ نمبر FZ-335 سے کراچی پہنچا تھا۔

ملزم امجد حسین اسلام آباد پولیس کو مطلوب تھا، ملزم کے خلاف تھانہ گولڑہ شریف میں دفعہ 489F کے تحت مقدمہ درج ہے۔

ترجمان ایف آئی اے کے مطابق ملزم کو اسلام آباد پولیس کے حوالے کر دیا گیا ہے۔

بشکریہ جنگ