روس نے فوجیوں کی تنخواہوں میں ساڑھے 10 فیصد اضافہ کر دیا

نجی فوجی ملیشیا کی ناکام بغاوت کے بعد روس نے فوجیوں کی تنخواہوں میں 10 فیصد سے زیادہ اضافہ کر دیا۔

روسی فوجیوں کی تنخواہوں میں اضافے کا سرکاری حکم نامہ جاری کر دیا گیا۔

کریملن کا کہنا ہے کہ ویگنر کے ساتھ ڈیل خونریزی سے بچنے کے لیے کی گئی، ویگنر چیف بیلاروس چلے جائیں گے اور ان کے خلاف مقدمہ خارج کیا جائے گا۔

سرکاری حکم نامے کے مطابق روسی فوجیوں کی تنخواہوں میں 10 اعشاریہ 5 فیصد اضافہ یکم اکتوبر سے ہوگا۔

روس میں 24 جون کو نجی فوجی ملیشیا ویگنر گروپ نے بغاوت کر دی تھی، بیلاروس کی مصالحت سے ویگنر گروپ کے سربراہ نے ماسکو کی جانب پیش قدمی روکی تھی۔

باغی ویگنر گروپ کے سربراہ پریگوژن نے بغاوت کی وجہ اعلیٰ قیادت کی نااہلی اور بدعنوانی بیان کی تھی۔

بشکریہ جنگ