قومی کرکٹرز کے سینٹرل کنٹریکٹ تاخیر کا شکار
قومی کرکٹرز کے سینٹرل کنٹریکٹ تاخیر کا شکار ہوگئے، سینٹرل کنٹریکٹ کی مدت آج ختم ہوگئی، پی سی بی نے قومی کرکٹرز کو نئے سینٹرل کنٹریکٹ پیش نہیں کیے۔
ذرائع کے مطابق پاکستان کرکٹ بورڈ (پی سی بی) میں مستقل چیئرمین نہ ہونے وجہ سے سینٹرل کنٹریکٹ پیش نہیں کیے جاسکے۔
پی سی بی کے روز مرہ کے معاملات قائم مقام چیئرمین اور الیکشن کمشنر احمد فاروق شہزاد رانا چلارہے ہیں۔
ذرائع کا کہنا ہے کہ پی سی بی مینجمنٹ کمیٹی کی مدت گزشتہ ہفتے ختم ہو چکی ہے، چیئرمین بورڈ کا انتخاب 27 جولائی کو شیڈولڈ تھا، جو عدالتی فیصلے کے باعث روک دیا گیا ہے۔
کرکٹرز کو سینٹرل کنٹریکٹ کی پیشکش میں تاخیر کے باوجود یکم جولائی کی تاریخ سے ہی ملیں گے۔
بشکریہ جنگ
Comments are closed.